Јавен обвинител од Основното јавно обвинителство Кочани го започна увидот по пожарот што го зафати фабриката „Макпрогрес-Винчини“ во Виница. Увидните дејствија ќе продолжат и во следните денови, бидејќи во дел од магацините за суровини и готови производи се уште се присутни жаришта кои тлеат.
За заштита на плинската станица, која не беше погодена од огнот, се поставени противпожарни возила. Во текот на утрешниот ден на увид на лице место ќе биде повикано и вешто лице – електроинжинер.
Исто така, обезбедени се снимки од видео надзор и се преземаат други дејствија за целосно испитување на причините и последиците од пожарот.
