ЈКП Водовод – Битола започнува со проект за реконструкција на водоводната мрежа на ул. Караорман.
Во рамките на проектот се предвидува замена на постоечките цевки со полиетиленски во должина од 165 метри, како и поставување на 26 нови приклучоци. Вкупната вредност на инвестицијата изнесува 1.449.418 денари.
Со реконструкцијата ќе се обезбеди поквалитетно и постабилно водоснабдување за корисниците и ќе се подобри целокупната водоводна инфраструктура.
ЈКП Водовод – Битола нагласува дека продолжува посветено да инвестира во модернизација и унапредување на водоводната мрежа, во интерес на сите граѓани.
