ЈКП „Водовод“ Битола започна со изградба на нова водоводна мрежа на новопроектираната улица 170-та (БРЛ 4), во рамки на поширок план за инфраструктурно унапредување на населбата.
Од претпријатието информираат дека во наредниот период ќе продолжат активностите и на останатите улици од овој опфат, меѓу кои се и улиците 150-та и 210-та. Со реализацијата на овој проект се очекува значително подобрување на водоснабдувањето, како и целосна ревитализација на овој дел од градот.
Од ЈКП „Водовод“ посочуваат дека инвестициите во водоводната инфраструктура остануваат приоритет, со цел обезбедување квалитетни и сигурни услуги за граѓаните.
