Во Тетово денеска официјално ќе биде означен почетокот на изградбата на Саат-кулата, проект што има за цел да го збогати културно-историското наследство на градот.
Според најавата од Општина Тетово, на свеченоста ќе присуствуваат министерот за култура Седат Сулејмани, градоначалникот на Тетово Биљал Касами и директорот на Националниот конзерваторски центар Александар Јорданоски.
По официјалниот дел од програмата, предвидено е присутните претставници на институциите да дадат изјави за медиумите.
Изградбата на Саат-кулата претставува еден од позначајните проекти поврзани со зачувување и афирмација на културното наследство во Тетово.
