Претреси во Липково, Куманово и Желино – под истрага компании за даночни злоупотреби со нафтени деривати
Управата за финансиска полиција утрово изврши координирани претреси на повеќе локации во општините Липково, Куманово и Желино. Акцијата е дел од широка истрага насочена кон организирана група осомничена за злосторничко здружување, даночно затајување, измама и перење пари.
Според првичните сознанија, истрагата се однесува на компании што работат во трговијата со нафтени деривати. Се сомничи дека преку нив бил спроведен сложен криминален механизам со кој е предизвикана штета од повеќе од 7 милиони евра.
Од МВР засега не откриваат колку лица се опфатени со истрагата, ниту точниот број на локации каде се вршат претреси. Повеќе детали се очекуваат во текот на денот.
