Во последните 45 дена, Министерството за здравство реализираше над 1.250 нови вработувања во 85 јавни здравствени установи низ државата, во рамки на планот за кадровско зајакнување на здравствениот систем.
Министерот за здравство, Азир Алиу, изјави дека досега биле спроведени над 1.700 тестирања. Тој го оцени процесот како „историски чекор“ за подобрување на кадровската структура во здравството, со кој конечно се решава статусот на голем број лица што долго време работеле без сигурност и формален ангажман.
– Со ова обезбедуваме достоинствено место за овие луѓе во здравствениот систем, здравствено осигурување и стабилност, изјави министерот Алиу.
Од Министерството нагласуваат дека овој процес претставува јасна порака за посветеноста кон човечкиот капитал и подобрување на здравствените услуги за сите граѓани.
