Голманот на македонската фудбалска репрезентација, Столе Димитриевски, денеска се венча со својата партнерка Ирина Јанкуловска на интимна церемонија во Шпанија, државата каде што живее и ја продолжува кариерата во клубот Валенсија.
Свадбата беше организирана во тесен круг со присуство на семејството и најблиските пријатели, без јавни најави и медиумски присуство. И покрај приватната атмосфера, младенците на социјалните мрежи споделија дел од најубавите моменти од големиот ден.
Ирина избра елегантен сатенски венчален фустан со чисти линии, дополнет со нежна бела наметка и букет од рози. Димитриевски се појави во класичен црн костум со бела кошула, задржувајќи го препознатливиот минималистички стил.
Двојката е заедно околу една и пол година, а Јанкуловска беше присутна и покрај него при потпишувањето на договорот со Валенсија. Иако во репрезентацијата има статус на прв голман, во Ла Лига оваа сезона неговата минутажа е ограничена.
На споделените фотографии се гледаат моменти пред општинската зграда, во приватниот двор и на семејна прослава во ресторан, каде што најблиските наздравувале за почетокот на нивниот заеднички живот.
