Во езерото Тихањ во Унгарија, поради значителниот пад на водостојот, се појави нов остров – редок феномен кој уште еднаш го потврдува влијанието на климатските промени врз природната средина.
Глобалното затоплување, предизвикано од човечката активност, сѐ побрзо ги менува екосистемите. Езерата што некогаш биле извор на живот денес се соочуваат со сушења и загадување. Езерото Веленце страда од ниски води и цветање на алги, додека Балатон е погоден од истиот проблем, што сериозно го загрозува туризмот и биодиверзитетот.
Последиците се чувствуваат и во земјоделството – сушите уништуваат приноси, а минатата година третина од родот на пченката пропадна, со директни последици врз сточарството. На удар се и шумските екосистеми, бидејќи автохтоните видови тешко ќе ги издржат екстремно жешките лета.
Стручњаците предупредуваат дека температурите би можеле да достигнат и до 47 °C, додека се почестите топлотни бранови и „тропски ноќи“ претставуваат сериозен ризик за здравјето, особено на постарите лица.
