Холандија (4,2%), Белгија (3,9%) и Австрија (3,4%) имаа највисоки стапки на слободни работни места во Европската унија, додека најниски стапки се забележани во Романија (0,6%), како и во Шпанија и Полска (по 0,8%).
Најголеми зголемувања во споредба со истиот период минатата година се регистрирани во Кипар (+0,3 процентни поени) и во Литванија и Малта (по +0,2 процентни поени), објави Сеебиз.
Во вториот квартал од 2025 година, стапката на слободни работни места во Еврозоната изнесуваше 2,2%, што е за 0,2 процентни поени пониско од првиот квартал и за 0,4 процентни поени помалку отколку во истиот период минатата година.
Во индустријата и градежништвото, стапката во Еврозоната изнесуваше 2%, додека во целата ЕУ беше 1,8%. Во секторот услуги, стапката достигна 2,4% во Еврозоната и 2,3% во ЕУ, објави денес Евростат, европскиот завод за статистика.
