Литванското министерство за одбрана започна програма за обука на деца и возрасни за управување, составување и програмирање дронови, како дел од зајакнувањето на одбранбените способности на земјата. Првата од девет вакви училишта е отворена на границата со Русија, во близина на рускиот ексклав Калининград.
Заменик-министерот за одбрана, Томас Годлиаукас, истакна дека обуката има за цел градење на воени одбранбени способности, со оглед на соседството со Русија и Белорусија. Учениците и возрасните ќе се обучуваат да управуваат со видеодронови, квадкоптери и дронови со еднокрилен дизајн.
Во училишето во Таураге, 20 километри од Калининград, децата практикуваат виртуелни летови на компјутери, а наставникот Миндаугас Тамосаитис истакна дека учениците се ентузијастични и мотивирани, и покрај тоа што понекогаш дроновите се симулирано „урнуваат“.
Литванија како членка на НАТО побара од алијансата зајакнување на воздушната одбрана по инцидентите ова лето, кога два руски дрона прелетаа од Белорусија и паднаа на нејзина територија. НАТО минатиот петок најави планови за зајакнување на одбраната на источниот дел на Европа, два дена по инцидентот во Полска со оборени дронови.
