Полициски службеници од Полициското одделение Теарце на 6 ноември во 8:30 часот ја лишиле од слобода М.И. (34) од село Горно Орашје, откако, според полицијата, го нарушила јавниот ред и мир додека тие постапувале по пријава против неа.
Пријавата ја поднел С.А. од истото село. Според полициското соопштение, при преземањето на службените дејствија, М.И. викала, се карала, се однесувала недолично и ги омаловажувала полициските службеници.
