Попладнево избувна пожар во скопската населба Расадник во Кисела Вода, при што според првичните неофицијални информации се запалило возило паркирано меѓу станбените згради.
На терен веднаш интервенирале екипи на Противпожарната бригада, кои заедно со полициски службеници работат на локализирање на пожарот и обезбедување на просторот.
Очекуваат повеќе информации
Засега нема официјални податоци за причините за избувнување на огнот, ниту дали има повредени лица или поголема материјална штета.
Надлежните најавуваат дека по завршување на интервенцијата ќе следува увид за утврдување на околностите под кои настанал пожарот.
