Вчера во Битола, на булевар „1 Мај“, патничко возило „опел корса“ со битолски регистарски ознаки, управувано од К.Ј. (66) од Битола, удрило во две млади жени, потврди СВР Битола.
При несреќата, 23-годишната П.Р. се здобила со тешки телесни повреди, додека 23-годишната М.М. се здобила со полесни телесни повреди. Двете жени биле пренесени и згрижени во Клиничката болница Битола.
На местото на настанот извршен е увид од увидна екипа на СВР Битола, а истрагата за причините и околностите околу несреќата е во тек.
