Во Прилеп утрово се спроведува голема акција на Финансиската полиција, насочена кон истрага за можна злоупотреба во работењето на прилепската болница. Според првичните информации, приведени се неколку лица кои имале раководни функции во установата.
Од Основното јавно обвинителство потврдија дека акцијата се одвива по нивна наредба и дека станува збор за постапка во која се испитуваат сомнежи за финансиски злоупотреби.
„Се преземаат дејствија во врска со постапка за наводи против повеќе лица за злоупотреби во работењето на прилепската болница. Акцијата е во тек“, соопштија од Обвинителството.
Истрагата се фокусира на можни неправилности поврзани со јавни набавки и финансиски трансакции во последниот период. Повеќе информации од случајот се очекуваат во текот на утрешниот ден.
