Полските и романските власти уапсија осум лица осомничени за планирање саботажа во корист на Русија, соопштија властите од Варшава. Три од уапсените се поврзани со нов план за испраќање експлозивни пакети, овој пат кон Украина.
Според европските служби за безбедност, Русија претходно беше поврзана со експлозии на пакети доставувани преку курирски служби DHL и DPD во 2024 година, кои се сметаа за тест на поголем план за предизвикување експлозии на товарни авиони кон САД. Русија ги отфрла овие обвиненија.
Полскиот Координатор за специјални служби, Јацек Добржински, изјави дека осомничените создадоа рута за испраќање експлозив преку Полска и Романија кон Украина. Меѓу уапсените е 21-годишен Украинец во близина на Варшава, додека неговите соработници беа уапсени од романските специјални служби во Букурешт.
Според полското обвинителство, пакетите требало да експлодираат или се запалат за време на транспортот, со цел заплашување на граѓаните и дестабилизација на земјите од ЕУ кои ја поддржуваат Украина. Романската единица DIICOT потврди дека двајца украински државјани беа уапсени на 16 октомври поради обид за саботажа и дека експлозивните уреди биле расклопени од експерти.
СРИ, романската обавештајна агенција, соопшти дека биле спречени нови саботажи кои ги координирале Русите со цел уништување на канцеларијата на NOVA POST во Букурешт. Во последните месеци, Полска уапсила вкупно 55 лица кои делувале против земјата во корист на руски разузнавачки служби.
