Секторот за внатрешни работи Охрид информираше дека се спроведуваат интензивни мерки за расчистување на случај на пријавено силување на малолетно девојче во реонот на Дебар.
Според пријавата поднесена вчера околу 15 часот во Одделението за внатрешни работи во Дебар, 41-годишен жител на подрачјето соопштил дека лице од Тетовско извршило полови дејствија врз неговата малолетна ќерка.
„Се преземаат сите неопходни мерки за целосно расчистување на случајот и утврдување на фактичката состојба,“ изјави портпаролот на СВР Охрид, Стефан Димоски.
Полицијата работи на идентификација и пронаоѓање на осомничениот, како и на прибирање докази поврзани со настанот.
