На 15.06.2026 година во 10:00 часот во СВР Тетово, 49-годишен жител на Тетово пријавил дека бил измамен од лице со иницијали Ш.Б. од тетовско.
Според пријавата, на 27.04.2026 година пријавителот му дал полномошно на Ш.Б. да го користи неговото патничко возило „рено лагуна“ со тетовски регистарски ознаки, во период од еден месец.
По истекот на договорениот рок, лицето одбило да го врати возилото и не одговарало на телефонските повици, поради што пријавителот се сомнева дека автомобилот е понатаму отуѓен и евентуално продаден на трето лице.
Од СВР Тетово информираат дека се преземаат мерки за целосно расчистување на случајот.
