Две лица од Кичево се приведени откако вербално и физички нападнале полициски службеници при вршење сообраќајна контрола во градот, информираат од Министерството за внатрешни работи.
Инцидентот се случил на 24 јануари 2026 година во 00:15 часот, на крстосницата меѓу улиците „Драге Карбуничанец“ и „Прилепска“. Полициски службеници запреле патничко моторно возило марка „БМВ“, управувано од А.А. (31) од Кичево.
Според полицијата, возачот А.А. и сопатникот Б.М. (20), исто така од Кичево, најпрво упатувале вербални закани и навреди, а потоа извршиле и физички напад врз униформираните полициски службеници кои извршувале редовна контрола во сообраќајот.
