Двојно убиство во Загреб: Маж и жена пронајдени застрелани во автомобил
Тешко кривично дело ја потресе Загребската населба Црна Вода, каде што во гаражата на станбена зграда беа пронајдени тела на маж и жена со прострелни рани. Според информациите од полицијата, пријавата за истрели била примена во 19:08 часот, по што полициските службеници веднаш излегле на местото на настанот.
Телата на жртвите биле пронајдени во автомобил паркиран во подземната гаража. Полицијата интензивно трага по осомничениот, а во тек е преглед на снимки од безбедносни камери, на кои, како што се дознава, се забележани мотоцикл и возило „Кеди“ кои се доведуваат во врска со настанот.
Соседите сведочат дека слушнале околу десет истрели. Според нивните изјави, жената живеела во зградата со својот нов партнер по разводот. Утврдено е и дека требала да го земе детето од училиште, но не се појавила, по што нејзиниот поранешен сопруг ја алармирал полицијата. Телата на жената и нејзиниот партнер биле откриени набрзо потоа во автомобилот.
На местото на злосторството се спроведува увид, а истрагата ја води заменик-окружниот државен обвинител. Засега не се објавени детали за идентитетот на жртвите или за можниот сторител.
Повеќе информации се очекуваат по завршувањето на истражните дејствија.
