Во СВР Тетово вчера биле пријавени два одделни случаи на физички напад врз малолетници.
Првиот случај бил пријавен на 08.05.2026 во 20:15 часот, кога Н.Р. (40) пријавил дека на крстосницата меѓу улиците „Благоја Тоска“ и „ЈНА“ во Тетово, неговиот малолетен син бил физички нападнат од едно машко лице.
Вториот случај бил пријавен истата вечер во 22:30 часот. С.С. (42) од тетовското село Вејце пријавил дека околу 19:20 часот на улицата „Илинденска“, неговиот малолетен син бил физички нападнат од неколку лица.
Од полицијата информираат дека се преземаат мерки за расчистување на двата случаи.
