Дел од претставниците на пет српски опозициски партии денеска во Стразбур разговараа со европратеници за политичката состојба во Србија, барајќи воведување санкции против претседателот Александар Вучиќ и дел од високите владини функционери.
Вучиќ, гостувајќи на Прва телевизија, оцени дека опозицијата „отишла предалеку“ и дека со тоа всушност ги таргетира државата и народот, а не само власта. Според него, опозициските партии немаат ниту план, ниту програма, ниту идеи.
Тој се осврна и на својата претходна изјава, кога европратениците од Европската зелена партија кои присуствуваа на студентски протест во Нови Сад ги нарече „олош“. „Велат дека сум ги навредил. Да бидам искрен – мислам уште полошо за нив. Но веројатно згрешив што го употребив тој збор, бидејќи претседателот на државата не треба да се служи со таков речник“, изјави Вучиќ.
