Грчката политичка сцена се соочува со турбуленции по серија шокантни оставки во врвот на владата, поврзани со истрагата за злоупотреба на земјоделски субвенции. Во центарот на вниманието се најдоа тројца клучни министри: Костас Цијарас, министер за рурален развој, Јоанис Кефалојианис, министер за цивилна заштита, и заменик-министерот за здравство, Димитрис Варцопулос, кои ја напуштија својата функција.
Премиерот Киријакос Мицотакис веднаш презеде мерки, назначувајќи нови лица на клучните позиции. Функцијата министер за цивилна заштита ја презема Евангелос Турнас, додека поранешниот потпретседател на Европската комисија, Маргаритис Шинас, ќе раководи со ресорот за рурален развој. На местото на заменик-министер за рурален развој е назначен Макариос Лазаридис, кој го наследува Христос Келас.
Заменик-министерот за здравство, Димитрис Варцопулос, исто така се повлече од функцијата, а неговите задачи поврзани со менталното здравје ќе бидат распределени меѓу останатите во министерството.
