Силниот олуен ветер што денеска го зафати Боровец предизвика сериозна материјална штета. Под налетите на бурата, повеќе високи борови биле искорнати и соборени, при што дел од нив паднале врз паркирани возила во близина на сместувачките објекти.
На фотографиите објавени од Meteo Bulgaria, се гледаат автомобили целосно притиснати под тежината на паднатите дрвја, како и оштетувања во пошироката околина на одморалиштето. Засега нема информации за повредени лица, но штетата на возилата е значителна.
Надлежните служби се на терен и работат на отстранување на паднатите дрвја и обезбедување на просторот, додека граѓаните и туристите се повикуваат на зголемена претпазливост, особено во шумските делови и при паркирање под дрвја.
