Во Лесковац денеска дошло до вооружен инцидент, потврдија за Танјуг од Полициската управа во овој град.
Сè уште нема официјални информации за евентуално повредени лица, но според неофицијални извори, едно лице е рането.
Според медиумски извештаи, пукањето се случило во селото Бадинце, во близина на Лесковац, при што маж на возраст од околу 60 години бил повреден од огнено оружје.
Повредениот добил прострелна рана во градниот кош и итно бил пренесен во Ургентниот центар при лесковачката болница.
Читатели на порталот „Решетка“ кои се нашле во зградата или во близина на Секторот за внатрешни работи нешто пред 13 часот, сведочат дека пред објектот имало засилено полициско присуство – службеници во панцири и со вооружување, подготвени да интервенираат доколку ситуацијата тоа го наложи. Според нивните тврдења, пукање се случило и во централното градско подрачје.
Од лесковачката полиција засега единствено ја потврдуваат информацијата дека дошло до пукање, но не откриваат други детали. Истрагата е во тек и треба да ги утврди сите околности поврзани со настанот.
