Робната куќа Икеа во Белград денеска беше евакуирана, а снимки од моментот кога купувачите ја напуштаат зградата веќе кружат на социјалните мрежи.
На Инстаграм профилот 192_rs е објавено видео на кое се гледа како луѓе во паника и со забрзано темпо го напуштаат објектот, кој се наоѓа покрај автопатот кај Белград.
Причината за евакуацијата сè уште не е официјално потврдена. Според информации на порталот Nova.rs, полицијата не добила пријава за каков било вонреден настан поврзан со објектот.
Икеа засега не излезе со официјално соопштение, а јавноста очекува повеќе информации во текот на денот.
