Грција ќе испрати два противпожарни авиони од типот ПЗЛ во Албанија за да помогне во гаснењето на големиот шумски пожар што избувна во областа Кронѓ, општина Фојник, јави дописничката на МИА од Атина.
Според Министерството за цивилна заштита и климатски кризи на Грција, помошта следи по билатерално барање од Министерството за национална одбрана на Албанија до грчкиот координативен центар за операции и управување со кризи.
Двата авиони ќе полетаат од воздухопловната база на Крф и ќе се упатат кон погоденото подрачје во јужна Албанија со цел да помогнат во локализирањето и гаснењето на пожарот.
