Во земјите од поранешна Југославија се очекува значително влошување на времето, со обилни снегови и пад на температурите, додека Македонија засега ќе остане поштедена од сериозни врнежи.
Метеоролозите предупредуваат дека до среда снегот може да предизвика тешкотии во Хрватска и Босна и Херцеговина, додека снежни врнежи се очекуваат и во Истра и северниот Јадран. Пред спуштањето на снежната линија кон низините, поголемиот дел од Црна Гора, Херцеговина и Далмација ќе бидат погодени од обилни дождови, со можност за локални поплави и лизгање на земјиштето.
Според регионалните прогнози, во БиХ и Србија локално може да наврне до половина метар снег, додека во планинските области снегот може да надмине еден метар. Во континенталните делови на Хрватска и Словенија веќе има значително насобран снег, што ја зголемува опасноста од сообраќајни и други проблеми.
