Австралиската рударска компанија Југо Металс објави извонредни резултати од својата прва сондажна кампања на локалитетот „Ерак“, кој е дел од нивниот проект „Сињаково“ во Босна и Херцеговина. Најновите лабораториски анализи потврдуваат широки и богати зони со минерализација на злато, што дополнително го подгрева инвестицискиот интерес за Балканот како нова европска рударска граница.
Злато на мала длабочина
Компанијата досега заврши девет дијамантски сондажни дупки со вкупна должина од 1.057 метри. Резултатите ги надминаа почетните очекувања на геолозите:
Сонда ERDD006 регистрираше пресек од 36,1 метар со просечна концентрација од 2,3 грама злато по тон на длабочина од 51,8 метри. Во рамките на оваа зона се детектирани и екстремно високи класи, вклучувајќи пресек од 3 метри со 14,5 г/тзлато и тесни сегменти каде златото достигнува дури 42,5 г/т.
Сонда ERDD009 покажа пресек од 10,4 метри со 2,6 г/т лато, вклучувајќи богат интервал од 1,2 метри со дури 20,9 г/т.
Сонда ERDD007 потврди континуитет со пресек од 22,4 метри со 1,1 г/т злато.
Според менаџментот на компанијата, златниот систем на локалитетот „Ерак“ сè уште е отворен во неколку правци (по должина и по длабочина), што значи дека потенцијалот на наоѓалиштето допрва ќе расте со следните планирани дупчења.
