Јавниот сервис на Босна и Херцеговина – BHRT – е на работ на гасење поради огромни долгови, нефункционален систем на финансирање и политичка блокада. Вработените вчера емитуваа програма од шатор пред државниот парламент, во знак на протест и последно предупредување до институциите.
BHRT има околу 700 вработени и треба да се финансира преку RTV таксата, но системот со години не функционира. RTRS од 2017 година не го уплатува својот дел, акумулирајќи долг од 102 милиони КМ, а дел од хрватското население во Федерацијата исто така одбива да плаќа.
Поради долгови кон Европската радиодифузна унија, на сервисот му се закануваат исклучување на струјата и гасот и можна заплена на имот. Политичките несогласувања го стопираат секое решение, а државниот буџет за 2025 година целосно го укинува финансирањето на BHRT.
ЕУ и ОБСЕ предупредуваат дека гасењето на државниот сервис би било сериозен удар за европските интеграции на БиХ: „Земја што сака да влезе во ЕУ не може да биде единствената во Европа без јавен сервис“, порача амбасадорот Луиџи Сорека.
