ОпенАИ го објави GPT-5, својот најнов и најнапреден модел на вештачка интелигенција, кој од денес е достапен бесплатно за сите корисници. Компанијата најави дека моделот е значително попаметен, побрз и покорисен, особено во области како пишување, програмирање и здравствена заштита.
„Се обидов да се вратам на GPT-4 и беше доста жално“, изјави извршниот директор Сем Алтман, споредувајќи го GPT-5 со тим од експерти со докторат достапни во секое време.
Откако ChatGPT беше лансиран во 2022 година, ОпенАИ брзо го зголеми бројот на корисници, а оваа недела очекува да достигне 700 милиони неделно активни корисници. Во исто време, компанијата преговара со инвеститори за потенцијална продажба на акции во вредност од околу 500 милијарди долари, објави CNBC.
GPT-5 доаѓа со подобрени безбедносни механизми – наместо одбивање на ризични прашања, моделот ќе дава одговори во рамките на безбедносни граници, избегнувајќи шпекулации и објаснувајќи ги своите ограничувања. „Ова значително ги намалува неподдржаните тврдења во споредба со претходните модели“, изјави Мишел Покрас, раководителка во компанијата.
Моделот веќе е достапен за корисниците на Free, Plus, Pro и Team плановите на ОпенАИ, како и во производите на Microsoft – вклучувајќи го Microsoft 365 Copilot, Copilot за потрошувачи и Azure AI Foundry за интеграција во апликации од трети страни.
