Компанијата Take-Two, матична фирма на Rockstar Games, официјално го потврди датумот на издавање на долгоочекуваната видео игра Grand Theft Auto VI (GTA 6). Играта ќе биде достапна од 26 мај 2026 година, соопштија од компанијата на конференција одржана на 7 август.
На официјалната веб-страница на Rockstar Games стои извинение до фановите за одложувањето на играта, кое е подолго од првично најавеното.
„Интересот и возбудата околу новиот GTA 6 навистина не допреа до целиот нашиот тим. Ви благодариме на поддршката и трпението додека работиме на финализацијата на играта. Со секоја објавена игра, целта ни е да ги надминеме вашите очекувања, а Grand Theft Auto VI не е исклучок. Се надеваме дека ќе го разберете потребното дополнително време за да испорачаме квалитет кој го заслужувате“, наведоа од Rockstar.
Првично, играта требаше да излезе во текот на 2025 година. Најавата со вториот трејлер и новиот датум ја зголеми возбудата меѓу обожавателите, но поради одложувањето, дел од нив останаа скептични за конечниот рок на објавување.
GTA 6 е една од најочекуваните игри во светот на видео игрите, а објавувањето на точниот датум ја означува важна фаза во нејзиниот развој.
