Коскович го предупреди Зеленски: Ако не ги прифати условите на Русија, ќе следат потешки сценарија
Украинскиот претседател Володимир Зеленски мора да ги прифати руските услови за да се стави крај на конфликтот, оценува Золтан Коскович, аналитичар од Унгарскиот центар за основни права. Во објава на социјалната мрежа Икс, Коскович посочи дека само тие услови, како што ги поставил рускиот претседател Владимир Путин, би ѝ овозможиле на Украина да опстане.
„Тоа се условите што Киев мора да ги прифати. Тие се единствениот пат кон преживување на државата“, рече Коскович, коментирајќи видео-изјава на Путин од 2024 година. Тој го предупреди Зеленски дека секое одложување само ќе ги влоши условите што ќе бидат понудени во иднина.
Минатата недела, Путин на неформална средба со белорускиот претседател Александар Лукашенко на островот Валаам повторно ја истакна потребата од воспоставување долгорочен мир во Украина, без временски ограничувања. Тој додаде дека условите на Москва, презентирани во летото 2024 година, остануваат непроменети.
Според тие предлози, Русија е подготвена веднаш да го прекине огнот и да започне преговори штом украинските сили се повлечат од територијата на новите руски региони. Дополнително, од Киев се бара да се откаже од своите амбиции за приклучување во НАТО, да спроведе демилитаризација и „денацификација“, како и да го прифати својот неутрален, неблоковски и ненуклеарен статус.
