Американскиот носач на авиони „УСС Нимиц“, кој деновиве пловеше во стратегиското Јужно Кинеско Море, изненадно го промени курсот и се упати кон Блискиот Исток, покажуваат податоците од веб-страницата „Марин трафик“. Бродот моментално поминува преку теснецот Малака, пат помеѓу индонезискиот остров Суматра и Малезија, што го отвора патот кон важната област на Блискиот Исток. Засега нема официјален коментар од американската морнарица за оваа ненадејна промена на планираното патување. „УСС Нимиц“ е нуклеарно погонуван носач и е еден од најголемите и најмоќни воени бродови во светот, што дополнително го засилува вниманието кон неговото движење и можните воени или дипломатски импликации.
Дали САД ја пренасочуваат својата морнарица заради нова криза или подготовка за големи операции? Следете нè за најбрзи вести и анализи!
