Американскиот претседател Доналд Трамп, на состанок одржан минатиот петок, вршел притисок врз украинскиот претседател Володимир Зеленски Украина да го предаде регионот Донбас на Русија, јавува агенцијата Франс прес.
Според наводите на висок украински функционер кој сакал да остане анонимен, Трамп побарал украинската војска да се повлече од териториите што сè уште се под контрола на Киев — еден од клучните услови на рускиот претседател Владимир Путин.
Состанокот, како што наведува изворот на Франс прес, бил „напнат и тежок“, а дипломатскиот пристап на Трамп, според официјален Киев, остава впечаток дека двете страни „се вртат во круг“.
