Доналд Трамп жестоко ја нападна владата во Каракас, обвинувајќи ја дека испраќа криминалци и луѓе од психијатриски установи во САД.
„Сакаме Венецуела веднаш да ги прифати назад сите затвореници и луѓе од најлошите лудници во светот што ги натераа да навлезат во нашата земја. Илјадници Американци беа повредени, па дури и убиени од овие ‘чудовишта’. Изведете ги веднаш, или цената што ќе ја платите ќе биде непроценлива!“, напиша Трамп на „Truth Social“.
Неговата порака се очекува дополнително да ги зголеми тензиите меѓу Вашингтон и Каракас. Воени бродови веќе се распоредени во Карипското Море по наредба на САД, со образложение дека ја блокираат трговијата со дрога.
