Американскиот претседател Доналд Трамп изјави за The Wall Street Journal дека САД имале претходни сознанија за израелскиот напад врз Иран, нарекувајќи ја операцијата „многу успешна, благо речено“.
„Им реков на другата страна: имате 60 дена да постигнете договор. На 61-иот ден беа нападнати. Денес е всушност 61-иот ден и тоа беше многу успешен напад“, рече Трамп, алудирајќи дека дал последно предупредување до Техеран два месеца пред нападот.
Тој додаде дека дипломатско решение сè уште не е исклучено: „Требаше да го прифатат договорот, и сè уште можат — додека сè уште имаат нешто. Сè уште можат.“
На новинарско прашање за влијанието на нападот врз финансиските пазари, Трамп одговори: „Мислам дека на крајот тоа ќе биде одлично за пазарот, бидејќи Иран нема да има нуклеарно оружје. Ќе биде одлично за пазарот — можеби и најдобрата работа досега. Иран повеќе нема да претставува нуклеарна закана за човештвото.“
