Трамп има решение за војната во Украина: „Нека двете страни прогласат победа“
Американскиот претседател Доналд Трамп изјави дека војната во Украина треба веднаш да заврши по должината на сегашните линии на фронтот, а двете страни да ја прогласат победата.
„Доволно е пролеана крв. Границите сега ги одредија војната и храброста. Нека застанат каде што се — нека двете страни прогласат победа, а историјата нека суди! Доста е смрт, уништување и огромни трошоци“, порача Трамп на својата мрежа Truth Social, по средбата со украинскиот претседател Володимир Зеленски.
Трамп го опиша состанокот како „многу интересен и срдачен“, додавајќи дека му ја пренел истата порака и на рускиот претседател Владимир Путин претходниот ден.
„Време е да се сопре убивањето и да се постигне договор. Овој конфликт никогаш немаше да започне ако јас бев претседател“, изјави Трамп.
Според CNN, Зеленски престојувал во Белата куќа околу два и пол часа, а по средбата и самиот изјави:
„Мора да застанеме таму каде што сме. Претседателот е во право. Потоа можеме да разговараме за траен мировен договор.“
