Израелските одбранбени сили (IDF) соопштија дека воздушните напади врз Иран се резултат на долгогодишни подготовки и внимателно планирање. Началникот на Генералштабот на IDF, Ејал Замир, изјави дека подготовките се интензивирале во последните месеци и се одвивале во строга тајност.
Без да открива конкретни детали од операцијата, Замир нагласи дека акцијата била изведена благодарение на „усогласување на оперативни и стратешки услови“, и дека секое одложување би значело загуба на тие поволни околности и изложување на Израел на зголемен ризик.
„Благодарение на силниот и изненадувачки почетен удар, постигнавме извонредни резултати“, изјави Замир.
