Русија и Иран започнаа заеднички поморски вежби во водите на Индискиот Океан и Оманскиот Залив, во непосредна близина на позициите на американските носачи на авиони. Вежбите се одржуваат во време на зголемени глобални тензии и се толкуваат како директен сигнал до Вашингтон за засилената воена соработка меѓу Москва и Техеран.
Според соопштенијата од воените штабови, главната цел на маневрите е зајакнување на безбедноста на меѓународната поморска трговија, борбата против пиратството и тероризмот, како и размена на оперативни искуства меѓу морнариците на двете земји. Во вежбите се вклучени воени бродови, подморници и авијација кои изведуваат гаѓање на цели на површината на морето и спасувачки операции.
