Иранската државна телевизија Офог емитуваше „листа за отстрел“ со седум високи израелски функционери, вклучувајќи го и премиерот Бенјамин Нетанјаху, објави „Тајмс оф Израел“. На емисијата, лицата на израелските функционери беа прикажани со слики од мети.
На листата, покрај Нетанјаху, се наоѓаат и директорот на Мосад Дејвид Барнеа, министерот за одбрана Израел Кац, началникот на Генералштабот Ејал Замир, командантот на воздухопловните сили Томер Бар, директорот на военото разузнавање Шломи Биндер и началникот на Дирекцијата за операции Ицик Коен.
Водителот на емисијата на хебрејски јазик рече: „Ќе го утврдиме времето на вашата смрт, почекајте го Абабил“, алудирајќи на иранскиот дрон Абабил.
