IDF започна копнена офанзива во Газа, отворени нови евакуациски рути
Израелската армија (IDF) ја започна копнената офанзива на градот Газа, најголемиот во Пojaсот Газа, во операција наречена „Гидеонова кочија“. Двете редовни дивизии влегоа во градот од различни правци, а во следните денови ќе им се приклучи и третата, со што Газа ќе биде опколена од речиси сите страни. Според IDF, операцијата може да трае два до три месеци, но „чистењето на терористите“ може да потрае подолго.
IDF наведува дека центарот на Газа е јадрото на Хамас, вклучително и воениот командант Иза ел-Дин Хадад, кој се наоѓа во тунелите. Проценките сега укажуваат на зголемен број борци во градот поради пристигнување на дополнителни сили.
За евакуација на цивилите, IDF отвори нова рута по улицата Салах ал-Дин, достапна од денес до петок, додека досега единствена опција беше крајбрежната патека, пренатрупана со пешаци и возила.
Медиумите од Газа известуваат дека напади со беспилотни возила натоварени со експлозив, воздушни напади и артилериска оган продолжиле во северозападниот и јужниот дел на градот, како и на периферијата, додека стотици илјади Палестинци се обидуваат да ја напуштат зоната.
