Екипата на Еурофарм Пелистер вечерва во Кавадарци го освои трофејот во Супер купот, победувајќи го Вардар со тесни 28-27. Натпреварот започна со водство на Пелистер, кое Вардар го израмни, а потоа црвено-црните направија серија од четири гола за предност од 6-10. На полувреме се замина со минимална предност за Вардар, 12-13.
Во второто полувреме Пелистер ја наметна својата игра и во 38.минута поведоа со 17-15. Во последните минути тимот од Битола имаше четири гола предност 26-22, но Вардар успеа да израмни на 27-27 во драматичен финиш. Последниот напад го реализира Хосни, кој со својот осми гол му донесе триумф и трофеј на Еурофарм Пелистер.
За битолскиот тим ова е трет трофеј во Супер купот, додека Вардар има освоено четири, а Алкалоид еднаш се радувал на трофејот лани.
