Поради планирани технички зафати на електродистрибутивната мрежа, утре, среда 6 мај, корисници од Драчево и скопската општина Шуто Оризари ќе останат без напојување со електрична енергија.
Од 08:30 до 14:30 часот без струја ќе бидат корисниците од дел на ул. „Јустинијан Први“ во Драчево.
Подолг прекин е најавен за дел од Шуто Оризари. Таму, од 08:30 до 16:00 часот, без напојување ќе бидат дел од корисниците на улиците „Пелагонија“, „Брсјачка Буна“ и „Индира Ганди“.
Од ЕВН Македонија информираат дека планираните исклучувања се вршат со цел подобрување на квалитетот и сигурноста во снабдувањето со електрична енергија. Се апелира до граѓаните и фирмите од наведените подрачја навреме да ги исклучат осетливите електрични уреди за да се спречат можни оштетувања при повторното вклучување на струјата.
