Општина Чаир уште еднаш покажа дека солидарноста и човечноста се дел од нејзините основни вредности, особено во деновите кога годината се приближува кон својот крај и вниманието кон најранливите добива посебно значење.
Во тој дух беше реализирана активност на Здружението на инвалиди „Шпреса“, во рамки на која Претседателот на Советот на Општина Чаир, Мухамед Муртези, заедно со компанијата KAM, беа покрај лицата со попреченост. Преку поделба на новогодишни пакети, тие упатија пораки на почит, поддршка и блискост, потврдувајќи дека грижата не е само декларативна, туку се претвора во конкретни дела.
