Сериозен сообраќаен инцидент се случи денеска во Скопје, кога возач на патничко моторно возило од Косово предизвикал низа судири движејќи се низ градските улици.
Според првичните информации, возилото удрило во најмалку пет паркирани или движечки автомобили, како и во три контејнери за отпад и еден семафор.
Инцидентот предизвикал материјална штета на повеќе објекти и возила, а сведоци на настанот велат дека возачот се движел неконтролирано, поради што настанала паника меѓу граѓаните.
Возачот бил привремено сместен во Арачиново, а по инцидентот е пренесен на лекување со повреди. Засега нема официјални информации за причините што довеле до неговото однесување во сообраќајот, ниту дали биле вклучени алкохол или други супстанци.
