Градоначалникот на општина Кисела Вода, Орце Ѓорѓиевски, ги повика граѓаните вечерва да бидат дел од незаборавен музички спектакл на платото пред салата „Расадник“, каде што ќе настапат 2Bona, Слаткаристика и Next Time.
Настанот започнува во 20:30 часот, а во рамки на прославата на 70 години од постоењето на општината, посетителите ќе уживаат во вечер исполнета со енергија, добра музика и забава што не се пропушта.
„Вечерва не се бројат часови, туку моменти! Не дозволувајте да ви раскажуваат – бидете дел од најдобрата журка во Скопје“, стои во најавата на градоначалникот Ѓорѓиевски.
Овој концерт е дел од манифестацијата „Сѐ на свое место“, со која Кисела Вода продолжува да го слави својот јубилеј на достоинствен и модерен начин.
