Системот за сообраќаен надзор „Безбеден град“ од понеделник, 12 октомври, почнува со работа и на подрачјето на СВР Охрид, соопшти Министерството за внатрешни работи.
Според МВР, неговото активирање ќе овозможи засилена и континуирана контрола на сообраќајот и навремено откривање на прекршоците. Целта е да се зголеми сообраќајната дисциплина и да се подобри безбедноста на патиштата.
Од Министерството ги повикуваат возачите доследно да ги почитуваат сообраќајните правила и прописи и со одговорно однесување да придонесат за побезбеден сообраќај.
