Општина Јегуновце оваа недела започна со пробивање и расчистување на патниот правец кој ќе ги поврзе со Општина Тетово.
Градоначалникот Димитар Костадиноски истакна дека овој зафат е од големо значење за жителите на општина Јегуновце, а особено за населените места Ратае, Жилче и Шемшово, кои во иднина ќе добијат побрза, побезбедна и пократка патна врска.
„Со ова ја започнуваме првата фаза од реализацијата на проектот. По завршувањето на пробивањето и расчистувањето, следува изработка на проектна документација, по што во соработка со Општина Тетово ќе изнајдеме најдобар модел за целосна реализација на овој значаен инфраструктурен проект“, рече Костадиноски.
