Градоначалникот на Општина Битола, Тони Коњановски, вчера ја истакна важноста на спортскиот епитет на градот, по повод големиот ракометен ден.
Денот започна со третиот потпис на ракометната платформа, што ја потврдува посветеноста на општината за развој на спортот. Вечерта, трибините беа исполнети со вистинска ракометна еуфорија, а битолските ракометари од РК „Еурофарм Пелистер“ забележаа значаен бод против Пари Сен Жермен.
„Имавме многу емоции и на паркетот и на трибините. Овој ден покажува дека спортот е дел од идентитетот на нашиот град“, изјави Коњановски.
Силната поддршка на навивачите и успешниот настап на играчите го направија овој настан вистински спектакл за сите граѓани на Битола.
