Градоначалникот на Општина Битола, Тони Коњановски, денеска оствари средба со амбасадорката на Република Чешка во Македонија, Ирена Гетцова, на која разговарале за продлабочување на соработката во економијата и културата, како и за можноста за збратимување на Битола со чешки град.
Коњановски ја запознал амбасадорката со историјата на Битола, културното наследство и традицијата, а ги претставил и економските и туристичките потенцијали на градот.
Според неговата објава, на средбата било разговарано за интензивирање на економската и културната соработка. Во разговорот била истакната и поддршката што Чешка, како членка на Европската Унија, ѝ ја дава на Македонија во процесот на европската интеграција.
„Една од темите на разговор беше и можноста за збратимување на Битола со град од Чешка“, истакна Коњановски.
Средбата била и повод за пригоден подарок во знак на пријателството меѓу двата народа.
